Çehiýada Guralan Ýaragly Hüjümde 15 Adam Ýogaldy
Çehiýanyň Prezidenti Petr Pawel we Premýer-ministr Petr Fiala Pragada ýerleşýän Karls uniwersitetinde 15 adamyň ölmegine sebäp bolan ýaragly hüjüme berk reaksiýa bildirdi.
Prezident Pawel sosial media hasaby X arkaly beren habarnamasynda, uniwersitet guralan hüjümiň özüni şeýle gazaplandyrandygyny beýan edip, hüjümde pida bolanlaryň hossarlaryna duýgudaşlyk bildirip, ýaralanlara şypa diledi.
Premýer-ministri Fiala bolsa çeh halkyna ýüzlenip eden çykyşynda, hüjümi tragiki waka hökmünde häsýetlendirip, wakanyň her bir raýatda çuňňur täsir galdyrandygyny aýtdy.
Fiala; “Bu elhenç aksiýanyň hiç hili hakly sebäbi bolup bilmez. Siziň ähliňiz ýaly men hem şeýle pajyga gynanç bildirýärin” diýdi.
Premýer-ministr Fiala ýene-de bir gezek ýogalanlaryň hossarlaryna duýgudaşlyk, ýaralylara şypa diledi.
Paýtagt Parižde ýerleşýän Karls uniwersitetiniň pelsepe fakultetinde guralan ýaragly hüjümde azyndan 15 adamyň ýogalandygy, 25 adamyň ýaralanandygy habar berilipdi.
Degişli Habarlar
Döwlet Sekretarlygynyň Metbugat Sekretary Ýurdunyň Gaza Syýasaty Sebäpli Wezipesinden Çekildi
Hala Gharrit, ýurdunyň alyp barýan Gaza syýasatyna garşylyk görkezmek üçin wezipesinden çekildi.
