NATO Hüjümleriň Bes Edilmegini Goldaýar
NATO-nuň Baş sekretary Ýens Stoltenberg Germaniýanyň Federal Kansleri Olaf Şols bilen duşuşdy.
NATO-nuň Baş sekretary Ýens Stoltenberg Gazada halkara hukugyna sarpa goýulmagy üçin çagyryş edip; “NATO-nuň ýaranlary Gaza ynsanperwer kömekleriň ýetirilmegi üçin çaknyşyklara arakesme berilmegini goldaýar” diýdi.
NATO-nyň Baş sekretary Stoltenberg bilen Germaniýanyň Federal Kansleri Olaf Şols Germaniýanyň paýtagty Berlinde geçiren duşuşyklaryndan öň žurnalistlere beýannama berdiler.
Stoltenberg, Şols bilen Ýakyn Gündogardaky ýagdaý, Hamasyň hüjümlerine Ysraýylyň görkezen garşylygy hakynda pikir alyşjakdyklaryny nygtap; “Halkara hukugyna sarpa goýulmaly. Asuda ilat goralmaly. NATO-nuň ýaranlary Gaza ynsanperwer kömeginiň ýetirilmegi üçin çaknyşyklara arakesme berilmegini goldaýar” diýdi.
“Soňky hepdelerde gören gam-gussalarymyz, durnukly çözgüt ugrundaky tagallalarymyzdan el çekmeli däldigimizi bize ýene-de bir gezek ýatladýar” diýen Stoltenberg, Gazadaky söweşiň uly sebitleýin çaknyşyga öwrülmeli däldigini aýtdy.
Ýens Stoltenberg Eýranyň we Hizbullahyň bu söweşden çetde durmalydygyny beýan etdi.
Degişli Habarlar
Döwlet Sekretarlygynyň Metbugat Sekretary Ýurdunyň Gaza Syýasaty Sebäpli Wezipesinden Çekildi
Hala Gharrit, ýurdunyň alyp barýan Gaza syýasatyna garşylyk görkezmek üçin wezipesinden çekildi.
