Ysraýylyň Halky Netanýahuny Günäkärleýär
Ysraýylda halkyn 80 göteriminiň Hamasyň harby bölümi Izzaddin al-Kassam brigadalarynyň 7-nji oktýabrda guran hüjüminden Premýer-ministr Binýamin Netanýahuny jogapkär saýýandygy ýüze çykdy.
Ysraýylyň “Maariw” gazeti 510 ysraýyllydan ybarat “Lazar” ylmy-barlag instituty tarapyndan geçirilen sowalnamanyň netijelerini çap etdi.
Sowalnama görä ysraýyllylaryň 80 göteriminiň 7-nji oktýabrda Kassam brigadalary tarapyndan guralan hüjümden Netanýahunyň jogapkär saýýandygyny beýan eden gazet; “Ysraýyllylaryň diňe 8-i Netanýahuny jogapkär saýmady. 12 göterimi bolsa pikirleriniň ýokdugyny beýan etdi” diýip ýazdy.
Ysraýylda halkyn 65 göteriminiň ýurduň geljegine umytly garaýandygy, 25 götreminiň bolsa umytsyz garaýandygy beýan edilip, sowalnamanyň netijelerine görä ýurtda saýlaw geçirilen halatynda hökümeti emele getirýän syýasy partiýalaryň Mejlisdäki 120 kürsüden diňe 43 sanysyny eýeläp biljakdigi nygtalýar.
Hamasyň harby bölümi Izzaddin al-Kassam brigadalary 7-nji oktýabrda Ysraýyla “Aksa tupany” atly giňişleýin hüjüm başladandygyny habar beripdi. Gazadan Ysraýyla müňlerçe raketa atylan bolsa, ýaragly toparlar sebitdäki ilatly ýerlere giripdi.
Ysraýylyň goşuny bolsa harby uçarlar bilen Gaza Sektoryna “Demir Gylyçlar” operasiýasyny başladypdy.
