Asada Tabynlykdaky Güýçleriň we Russiýanyň Guran Hüjümlerinde 42 Adam Ýogaldy

Asada tabynlykdaky güýçleriň we Russiýanyň soňky 1 hepde-de Idlib we Halap welaýatlarynda guran hüjümlerinde 12-si çaga, 9-y zenan asuda ilatdan 42 adam ýogaldy.

Mesele hakynda berlen beýannamada, Asada tabynlykdaky güýçleriň we tarapdary Russiýanyň, Idlibde çaknyşyksyz zolakda guraýan howa we gury hüjümlerini dowam etdirýändigi nygtaldy.

Beýannamada, Idlibde we Halapda guralan hüjümlerde halkara kanunlara laýyklykda gadagan edilen ýaraglaryň 9 gezek ulanylandygy, hüjümlerde 12-si çaga, 9-y zenan asuda ilatdan 42 adamyň ýogalandygy, 214 adamyň hem ýaralanandygy bellenildi.

Beýannamada, hüjümler sebäpli 79 müň adamyň hem başga ýere göçmeli bolandygy ýatladyldy.

Beýannamada, “İdlibde 11 mekdep, 7 çadyr düşelge, 15 saglygy goraýyş merkezi nyşana alyndy” diýildi.