Koreýada Sil we Ýer Süýşmeleri Sebäpli Adam Pidalary Artýar

“Ýonhap” habarlar gullugynyň habar bermegine görä güýçli ýagyşdan soň gelen sil sebäpli 10 müň adam göçürildi.

Merkezi tebigy betbagtçylyklar we howpsuzlyk çäreleri müdirligi heläk bolanlaryň sanynyň 40 adama ýetendigini we 34 adamyň ýaralanandygyny habar berdi.

Ýurtda sil sebäpli 139 sany öý, jemi 1000-den gowrak bina zeper ýetdi.

Halas ediş işleriniň dowam edýändigini beýan eden resmiler, ölenleriň we dereksiz ýitenleriň sanynyň artmagyna alada bildirýär.

Içeri işler we Howpsuzlyk ministrligi meteorologiýa bilermenleriniň ýagyşyň dowam etjekdigi barasyndaky duýduryşlaryndan soň hüşgärlik derejesini iň ýokary çäge göteripdi.