Eýranda mekdeplerde başdan geçirilen zäherlenme wakalary bilen bagly protestler geçirildi
Eýranda 2022-nji ýylyň 30-njy noýabryndan bäri mekdeplerdäki köpçülikleýin zäherlenmeler ünsleri özüne çekýär
Eýranda aglabasy gyz okuwçylaryň we talyplaryň gidýän okuwlarda zäherlenme wakalaryň öňüniň alynmaýandygyna nägilelik bildiren käbir ene-atalar, ýurduň paýtagty Tähran şäherindäki Milli Bilim müdürliginiň öňünde protest geçirdiler.
Tähranyň 5-nji sebitleýin Milli Blim müdürliginiň öňünde ýygnanan ene-atalar, mekdeplerde zäherlenme howpunyň astynda bolan çagalarynyň howpsuzlygynyň üpjün edilmegini islediler.
Resmilere garşy hem şygarlar aýdan ene-atalara howpsuzlyk güýçleri çäre görmediler.
Ýurtdaky mugallymlaryň hem 7-nji martda Tährandaky Mejlisiň binasynyň garşysynda we tapawutly şäherlerdäki Milli Bilim müdürlikleriniň öňünde protestler geçirjekdigi aýan edildi.
Eýranyň Prezidenti Ibrahim Reisi, ýurt derejesinde azyndan 30 aýry mekdepdir-uniwersitetde ýüzlerçe gyz okuwçydy-talybyň zäherlenmeginiň jogapkärleriniň ýurduň duşmanlarydygyny beýan etdi.
Reisi: "Duşmanlarymyzyň maksatlary islendik bahana bilen ýurtda gozgalaň we haos döretmekdir" diýip belledi.
Beýleki tarapdan bolsa şu gün hem Tähran welaýatynyň Melard etrabyndaky gyzlaryň gidýän mekdebinde käbir okuwçylar zäherlendiler.
Eýranda 2022-nji ýylyň 30-njy noýabryndan bäri mekdeplerdäki köpçülikleýin zäherlenmeler ünsleri özüne çekýär.