Arap Parlamenti Ysraýyla Duýduryş Berdi

Arap Parlamenti beren ýazmaça beýanatynda Ysraýylyň güýçleriniň Jenin, Iýerusalim we basylyp alynan Günbatar Şeriýada birnäçe wagtdan bäri palestinalylara guralýan hüjümleri we aşa güýç ulanylmagyny hem-de ýehudi ýaşaýjylarynyň “terroruny” ýazgardy.

Palestinanyň territoriýasynyň basylyp alynandygy, Iýerusalimde we Günbatar Şeriýada ýehudileşdiriş hem-de etniki saplaýyş işleriniň dowam edýändigine, köçe basyşlarynyň dowam edýändigine we palestinalylara degişli öýleriň hem-de iş ýerleriniň ýykylandygyna üns çekikýän beýannamada, onun halkara jemgyýetçiliginiň ygtyýaryna we kararalaryna aç-açan äsgermezçilik bolandygy nygtalýar.

Ysraýylyň güýçleriniň Palestinanyň basylyp alynan ýerlerinde adam pidalaryna hem-de ýaralanmalara sebäp bolýan aksiýalarynyň sebitiň parahatçylygyna we howpsuzlygyna wehim salýandygy nygtalyp, halkara jemgyýetçiligine we BMG-ne palestinalylara edilýän hüjümleri hem-de basyşlary togtatmagy üçin Ysraýyla basyş etmäge çagyryş berildi.

Basylyp alynan Gündogar Iýerusalimde we Günbatar Şeriýada soňky döwürde ýaragly wakalaryň artýandygy görülýär.