Zelenskiý Russiýanyň Ukraina guran hüjümleri barada beýannama berdi
Nikolaýew şäherindäki hüjümde 1 adamyň ýogalandygyny aýdan Zelenskiý, Russiýanyň terror döwletidigini beýan etdi
Ukrainanyň Döwlet baştutany Wladimir Zelenskiý, Ukrainanyň Nikolaýew şäheriniň şu gün irden Russiýanyň harby güýçleri tarapyndan S-300 howa goranyş ulgamlary tarapyndan atylan raketalar bilen nyşana alynyp hüjüm guralandygyny belläp: "Ukraina basyp alyjylaryň hüjümlerine sezewar galýar" diýip mälim etdi.
Ukrainanyň Döwlet baştutany Wladimir Zelenskiý Telegram hasabyndan beren beýanatynda, Russiýanyň harby güýçleriniň S-300 ulgamlaryndan atan raketalarynyň Nikolaýew şäherindäki ýaşaýyş binalarynyň birine degendigini habar berdi.
Ruslaryň ýene-de Nikolaýew şäherindäki Kaştan meýdançasynda ýerleşýän gül bazaryny hem bombalandygyny aýdan Zelenskiý: "Ukraina basyp alyjylaryň hüjümlerine sezewar galýar. Iň gowy edýän zatlaryny etmäge dowam edýärler, asuda ilaty gorkuzýarlar we öldürýärler" diýip aýan etdi.
Nikolaýew şäherindäki hüjümde 1 adamyň ýogalandygyny aýdan Zelenskiý, Russiýanyň terror döwletidigini beýan etdi.
Zelenskiý Twitter hasabyndan beren beýanatynda bolsa, Russiýanyň harby güýçleriniň 10-njy oktýabrdan bäri guraýan hüjümlerinde Ukrainadaky elektrik desgalaryň 30 göteriminiň ýok edilendigini we şol hüjümleriň ýurtda uly göwrümli elektrik tok kesilmelerine sebäp döredendigini belledi.
Degişli Habarlar
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.