G-7-ä Agza Ýurtlar Ukraina Meselesini Ara Alyp Maslahatlaşar
G-7-ä agza ýurtlaryň liderleri, Ukraina goldaw bermäge dowam etjekdiklerini ýene-de bir gezek nygtar
Germaniýadan, ABŞ-dan, Fransiýadan, Britaniýadan, Kanadadan, Italiýadan we Ýaponiýadan ybarat G-7-ä agza ýurtlaryň liderleri, ertir wideo-aragatnaşyk ulgamy arkaly Ukraina meselesi hakynda pikir alyşar.
Nemes hökümeti tarapyndan berlen beýannamada, Germaniýanyň Federal Kansleri Olaf Şolsyň Ukrainanyň Prezidenti Wladimir Zelenskiý bilen telefon arkaly söhbetdeşlik geçirendigi nygtaldy.
Beýannamada, ertir wideo aragatnaşyk ulgamy arkaly duşuşjak G-7-ä agza ýurtlaryň liderleriniň, Ukraina goldaw bermäge dowam etjekdiklerini ýene-de bir gezek nygtajakdyklary bellenildi.
Beýannamada, nemes hökümetiniň Russiýanyň Ukraina guran hüjümlerini ýazgarýandygy we Germaniýanyň goşmaça kömekler bilen uly zeper ýetirlen infstrukturanyň ýaňadandan dikeldilmegine goldaw berjekdigi ýatladyldy.
