“Oktýabr Aýynda Ukraina Harby Kömegiň Berilmegi Üçin Karar Kabul Ediler”
Borreli gün tertibiniň ileri tutulýan ugurlary hakynda beýannama berdi.
ÝB-niň Halkara gatnaşyklar we howpsyzlyk boýunça ýokary wekili Žozep Borrel, oktýabr aýynda Ukraina harby kömegiň berilmegi üçin ýörite kararyň kabul edilip bilinjekdigini aýtdy.
BMG-nyň Baş Assambleýasynyň 77-nji sessiýasyna gatnaşmak üçin Nýu-Ýork şäherine giden Borreli gün tertibiniň ileri tutulýan ugurlary hakynda beýannama berdi.
Russiýanyň “Ukrain gallasynyň esasy böleginiň ÝB-ne agza ýurtlara gidendigi” hakyndaky garaýşyna jogap berern Borrel, “Ukrain gallasynyň esasy bölegi galla ýetmezçiligini başdan geçirýän ýurtlara gitdi. Görkezijilere ser salyň. Eksport edilen ukrain gallasynyň 3/2 bölegi Afrika, Ýakyn Gündogar we Aziýa ýurtlaryna gitdi” diýdi.
ÝB-niň Ukraina berýän harby kömegi hakynda hem durup geçen Borrel “Oktýabr aýynda ÝB-ne agza ýurtlaryň daşary işler ministrleriniň maslahatynda Ukraina harby kömegiň berilmegi meselesinde kararyň kabul edilmegine garaşýaryn” diýdi.
Borrel, Ukraina beriljek harby kömek hakynda giňişleýin maglumat bermekden gaça durdy.