Çepçi Partiýanyň lideri Nuşi Dadgostar Terrorizme Goldaw Berilmegine Garşy Durýar
Şwesiýada Çepçi partiýanyň lideri Nuşi Dadgostar partiýasynyň halk deputatlarynyň ekstremist terror guramasy PKK-nyň simwoly diýilýän esgiler bilen surat aldyrmagyny goldamaýandygyny beýan etdi.
Nuşi Dadgostar “Aftonbladet” gazetinde, Wisbi şäherinde 7 iýulda Çepçi partiýanyň halk deputatlary Daniel Riazat, Momdou, Malkom Žallow we Lorena Delgado Warasyň ekstremist terror guramasy ÝPG/PKK-nyň simwoly diýilýän esgiler bilen surat aldyryp, sosial mediada paýlaşmaklary hakynda beýannama berdi.
Nuşi Dadgostar, partiýasynyň halk deputatlarynyň bu hereketine goşulmaýandygyny we özüniň şeýle aksiýa gatnaşmajakdygyny beýan etdi.
Şwesiýanyň Premýer-ministri Magdalena Andersson Çepçi partiýanyň halk deputatlarynyň terror guramasynyň simwoly diýilýän esgiler bilen surat aldyrylmagyny ýazgarypdy.
Magdalena Andersson Şwesiýanyň resmi habarlar gullugy “TT-ä” beren interwýusynda; “PKK diňe bir Şwesiýada däl, ÝB-niň agzalary tarapyndan hem terror sanawyna goşulan. Bu esgiler bilen surat aldyrmak iňňän ýerliksiz” diýipdi.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.