Malide guralan terrorçylykly hüjümde ýogalan adamlaryň sany artdy

Maliniň hökümetinden berilen ýazmaça beýanatda, Ansongo etrabyndaky Tessit obasyna DAIŞ bilen arabaglanşykly bolan terrorçylykly topar tarapyndan guralan hüjümde ýogalanlaryň sany 42 adama ýetdi. 

Hüjümde 22 esgeriň ýaralanandygy, 37 terrorçynyň bolsa täsirsiz ýagdaýa getirilendigi mälim edildi. 

Beýleki tarapdan hüjüm sebäpli ýurtda 10-nji awgustdan başlap 3 günlük milli ýas yglan edildi. 

Geçen hepdäniň ýekşenbe güni guralan hüjümde ilki bilen 17 esgeriň ýogalandygy habar berilipdi. 

Sahel sebitinde 3 ýurduň ýagny Burkina-Faso, Mali we Niger döwletleriniň serhetleriniň kesişýän sebiti soňky ýyllarda terror guramasy Al Kaýda bilen arabaglanşygy bolan toparlaryň we terror guramasy DAIŞ-iň hüjümlerine sezewar galýar. 

Malide 2013-nji ýyldan bäri ýerleşdirilen daşary ýurtly harby güýçlere garamazdan ýurtdaky terror guramalarynyň hüjümleri dowam edýär.