ÝB Täze Bir Kowid-19 Tolkunyny Başdan Geçirýär

EMA-nyň resmileri Kowid-19 we sanjymlar boýunça ýetilen soňky sepgit boýunça metbugat ýygnagyny geçirdi.

EMA-nyň sanjym satrategiýasyndan jogapkär ýolbaşçysy Marko Kawaleri ÝB-ne agza ençeme ýruduň “Omikron” wariantynyň ýokary derejede ýokanç mutasiýalary tarapyndan ugrukdyrylýan täze bir Kowid-19 tolkunyny başdan geçirýändigini aýtdy.

BA.4 we BA.5 mutasiýalarynyň materikde ýaýramagyna gelmegine garaşylýandygyny beýan eden Kawaleri; “İýul aýynyň ahyryna çenli beýleki ähli wariantlaryň ýerini alar” diýdi.

Kawaleri şol wariantlaryň adamlara wirusyň ozalky görnüşlerinden has agyr täsir ýetirýändigini görkezýän deliliň ýokdugyna garamazdan, garrylardaky ýokuşmalardaky artyşyň agyr kesellere öwrülmäge başlandygyny aýtdy.

Aprel aýynda EMA-nyň 80 ýaşly we ondan ýokardaky adamlara ikinji goşmaça sanjym etdirmeklerini maslahat berendigini ýatladan Kawaleri, ÝB-den 60-79 ýaş aralygyndaky adamlara we “ähli ýaşdaky näsaglara” ikinji goşmaça doza sanjym etdirmegiň maslahat berilýändigini aýtdy.

Marko Kawaleri; “Bu täze dolkun, ÝB-de ýaýraýan bolsa, goragsyz toparlaryň goralmagyny dowam etdirmek we sanjymlamanyň yza süýşürilmegtiniň öňüni almak möhüm” diýdi.