Marin: Türkiýäniň Finlýandiýa we Şwesiýa Bilen Meseleleri Çözjekdigine Ynanýaryn
Finlýandiýanyň Premýer-ministri Sanna Marin Türkiýäniň ýurdy bilen Şwesiýanyň NATO agzalygyna garşy durmagyna sebäp bolýan meseläniň NATO-nyň sammitinden ozal çözüljekdigine ynanýandygyny aýtdy.
Sanna Marin resmi sapar bilen Horwatiýa guraýan saparynyň dowamynda paýtagt Zagrepde horwat kärdeşi Andreý Plenkowij bilen duşuşdy.
Duşuşykdan soň beýannama beren Marin, NATO-nyň agzybir hereket etmelidigini beýan edip, Finlýandiýanyň we Şwesiýanyň uzak möhletde NATO uly goşant goşjakdygyny aýtdy.
Marin NATO agzalygyna Türkiýäniň garşy durmagy boýunça dowam edýän düşnüşmezligiň NATO-nyň üstümizdäki aýyň 29-30-y aralygynda İspaniýanyň paýtagty Madritde geçiriljek sammitinde çözüljekdigine ynanýandygyny beýan edip, çözgüdiň NATO-nyň açyk gapylar syýasaty bilen tapyljakdygyny pikir edýändigini nygtady.
Plenkowij bolsa ýurdunyň NATO agzalygy boýunça Finlýandiýany goldaýandygyna ünsi çekip; “Finlýandiýanyň NATO agza bolmak hakyndaky kararyna sarpa goýýarys. NATO-nyň howpsuzlyk saýawanyndan Finlýandiýa we Şwesiýa hem peýdalanmak isleýär. Horwatiýa NATO-nyň döwrebap dünýäde eýe bolan ähmiýetine düşünýär. Finlýandiýanyň Russiýa bilen serhedi bar” diýdi.
Premýer-ministrler aýratynam Ukrainanyň ÝB-ne dalaşgärlik derejesiniň berilmegi boýunça ylalaşýandyklaryny beýan etdiler.
Horwatiýanyň Prezidenti Zoran Milanowiç bilen hem duşuşan Marin, Alnaniýa we Demirgazyk Makedoniýa sapar edipdi.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.