“Bizi we Döwletimizi Goraýandygyňyz Üçin Size Sagbolsun Aýdýaryn”
Wladimir Zelenskiý, Ukrainanyň Harkow şäherinden soň Zaparožýe şäherine bardy.
1838154
Ukrainanyň Prezidenti Wladimir Zelenskiý, Ukrainanyň Harkow şäherinden soň Zaparožýe şäherine bardy.
Zelenskiý mesele hakynda beren ýazmaça beýannamasynda, Zaparožýe şäherinde front liniýasyndaky harby güýçler bilen duşuşandygyny nygtady.
Zelenskiý “Bizi we döwletimizi goraýandygyňyz üçin size sagbolsun aýdýaryn” diýdi.
Rus hüjümlerinde ýogalan ukrainaly esgerler üçin hormatly dymyşlyk eden Zelenskiý, sebitdäki lukmançylyk desganasyna hem baryp gördi.
Rus gabawy sebäpli Mariupol şäherinde göçürlen asuda ilat bilen duşuşan Zelenskiý, “Siziň kynçylyklaryňyzyň çözülmegi üçin elimizden geleni ederis” diýdi.
Ukrainanyň Prezidenti 29-njy maýda hem rus hüjümleri sebäpli uly ýitgi çeken Harkow şäherine barypdy.
