Ýaponiýa Rus Nebitinden Ýüz Öwürer

Ýapon hökümeti, Ukrainadaky hüjümleri sebäpli Russiýa goýlan ykdysady sanksiýalaryň çäginde rus nebitiniň alynmagyny gadagan etmegi meýilleşdirýär.

Ýaponiýanyň Premýer-ministri Kişida Fumio metbugata beren beýannamasynda G-7-ä agza ýurtlar bilen arkalaşykly hereket edýändiklerini we şol çäkde Russiýadan nebitiň alynmagyny gadagan etjekdiklerini belledi.

“Bu meselede karar kabul etmek diýseň kyn. Emma häzirki etapda esasy zat G-7-ä agza ýurtlar bilen arakalaşykly hereket etmek” diýen Kişida, Russiýanyň Uzak Gündogar sebitindäki nebit-gaz taslamalarynda “Ýaponiýanyň bähbitlerini gorajakdyklaryny” aýtdy.

Sakhalin-1 we Sakhalin-2 taslamalarynyň Ýaponiýanyň energetika howpsyzlygy taýdan möhümdigini nygtan Premýer-ministr Kişida, Russiýadan nebitiň satyn alynmagyny tapgyrlaýyn ýagdaýda bes etjekdiklerini ýatlatdy.