Afrikada Bugdaýyň Bahasy 60 Göterim Ýokarlady
Afrikanyň Galkynyş bankynyň Başlygy Akinwumi Adesina Russiýa-Ukraina söweşiniň başlamagyndan soň Afrikada bugdaýyň nyrhynyň 60 göterim ýokarlandygyny beýan etdi.
Merkez Lagosda ýerleşýän “The Guardian” gazetiniň habar bermegine görä Adesina Nigeriýanyň döwlet Ýolbaşçysy Muhammed Buhari bilen geçiren duşuşygyndan soň materikde azyk ýetmezçiliginiň öňüni almak üçin Afrikanyň Galkynyş bankynyň 1,5 milliard dollarlyk gyssaglyk azyk iş maksatnamasyny düzendigini habar berdi. Maksatnamanyň dolandyryjylar geňeşiniň garamagyna hödürlenendigini beýan eden Adesina, bankyň materikdäki daýhanlara bugdaý, mekge-jöwen we fasol ekmek üçin goldaw berjekdigini aýtdy.
24-nji fewraldan bäri dowam edýän söweşiň gysga möhletde bugdaýyň nyrhynyň 60 göterim ýokarlamagyna sebäp bolandygyny aýdan Adesina, çökgünligiň azyk önümçiligini 20 göterim azaldyp biljekdigini we 11 milliard dollara barabar azyk önümçiligi ýitgisiniň ýüze çykjakdygyny mälim etdi.
Materikde häzirki wagtda 25 ýurt import edýän bugdaýynyň üçden bir böleginden gowragyny adybir iki ýurtdan alýan bolsa, käbir ýurtlarda garaşlylyk 90 göterimden ýokary.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.