Ýaponiýadaky gämi pajygasynda ýogalan adamlaryň sany artdy
Ýaponiýanyň demirgazygynda dereksiz ýiten syýahatçylyk gämisindäki ýogalanlaryň sany 11 adama ýetdi
Hokkaýdoda 2 gün ozal aragatnaşygyň kesilen syýahatçylyk gämisi "Kazu I"-iň we onuň ýolagçylarynyň gözleg işleri dowam edýär.
Kenarýaka Howpsuzlyk gullugy sebitiň gündogaryndaky Şiretoko ýarymadasynda ýene-de 1 adamyň jesediniň tapylandygyny we ýogalanlaryň sanynyň 11 adama ýetendigini habar berdi.
Dik eňňitleriň ýerleşýän Şiretoko sebitiniň kenarynda 100 metre ýetýän deňiziň çuňlugyň gözleg işlerini ýuwaşladýandygy mälim edildi.
Hokkaýdo sebitinde birnäçe gün ozal deňize çykan 19 tonna agyrylygyndaky syýahatçylyk gämisiniň düzüminde 2 adamdan ybarat ekipaž bilen 2-si çaga jemi 24 ýolagçy bardy.
Gezelenji gurnaýan Shiretoko Yuransen atly kärhana, aragatnaşygyň kesilen mahaly gämidäki ähli ýolagçylaryň halas ediş gursakçalaryny geýendigini habar berdi.
Syýahatçylyk gaýygy 23-nji aprel güni irden 3 sagat dowam etmegi meýilleşdirilen gezelenjiň çäginde ýola çykypdy.
Çykan portyndan 27 km demirgazyk-gündogaryndaky Kaşuni şaglawuklar sebitinde gämi adatdan daşary ýagdaý signalyny beripdi.
Ýaponiýanyň Meteorologiýa agentligi, aragatnaşygyň kesilen sebitde tolkunlaryň uzynlygynyň 3 metre, suwyň sowuklyk derejesiniň bolsa 2-4 gradus aralygyndadygyny beýan edipdi.
Beýleki tarapdan bolsa Türkiýe gämi pajygasy bilen bagly gynanç ýüzlenmesini çap etdi.
Daşary işler ministrliginden berilen beýanatda: "Wakada ýogalan adamlaryň dogan-garyndaşlary bilen dostlukly Ýaponiýanyň halkyna we hökümetine çuňňur gynanç bildirýäris, dereksiz ýiten adamlaryň iň gysga wagtda tapylmaklaryny dileg edýäris" diýip habar berildi.
