Bruklin metrosyndaky hüjümiň jogapkäri göz tussaglygyna alyndy
Birnäçe gün ozal Nýu-Ýork şäheriniň Bruklin etrabyndaky metro beketleriniň birinde guralan hüjümde 23 adamyň ýaralanandygy, ilkinji kesgitlemelere görä wakanyň terror hadysasy bolmandygy habar berilipdi
ABŞ-nyň Nýu-Ýork şäheriniň häkimi Erik Adams, Bruklin metrosynda hüjüm guramagy netijesinde 23 adamyň ýaralanmagyna sebäp bolan 62 ýaşyndaky Frenk. R. Jeýmsiň göz tussaglygyna alynandygyny habar berdi.
ABŞ-nyň Nýu-Ýork şäheriniň häkimi Erik Adams, geçiren metbugat ýygnagynda Bruklin metrosynda guralan hüjümiň jogapkäri Frenk Jeýmsiň ele salynandygyny: "Nýu-Ýorkly dostlarym. Ony tussag etdik" diýen sözleri bilen mälim etdi.
Jeýmsiň Manhetten etrabynyň Ist-Willidž etrapçasynda Polisiýa işgärleri tarapyndan saklanyp, göz tussaglygyna alynandygy aýan edildi.
Beýleki tarapdan ABŞ-nyň metbugatyna beýanat beren resmiler Jeýmsiň federal terror günäkärlemesi bilen aýyplanyp bilinjekdigini beýan etdiler.
Birnäçe gün ozal Nýu-Ýork şäheriniň Bruklin etrabyndaky metro beketleriniň birinde guralan hüjümde 23 adamyň ýaralanandygy, ilkinji kesgitlemelere görä wakanyň terror hadysasy bolmandygy habar berilipdi.