ÝP, Ukrainaly Bosgunlary Kabul Eden Ýewropa Ýurtlaryna 3,4 Milliard Ýewrolyk Ýardam Berer

Ýewropa Parlamenti, Ukrainaly bosgunlary kabul eden ÝB-ne agza ýurtlara 3,4 milliard ýewrolyk ýardam berilmegini göz öňünde tutýan karary tassyklady.

Fransiýanyň Strazburg şäherinde geçirlen Ýewropa Parlamentiniň Baş Assambleýasynda, Russiýanyň 24-nji fewralda başladan söweşi sebäpli ýurduny terk eden ukrainaly bosgunlary kabul eden ÝB-ne agza ýurtlara 3,4 milliard ýewrolyk ýardam berilmegini göz öňünde tutýan karar 549 ses bilen kabul edildi.

Karara 1 halk deputaty “garşy” ses berdi. 8 halk deputaty bolsa ses bermekden saklandy.

Ukraina goňşy ÝB-ne agza Wengriýa, Polşa, Ruminiýa we Slowakiýa bilen ilatlarynyň 1 göterimden gowrak bosguny kabul eden Awstriýa, Bolgariýa, Çeh Respublikasyna we Estoniýa gysga wagtda maliýe kömegi berler.