Russiýa Ukrainanyň harby ýitgileri barada beýannama berdi

Russiýanyň Goranmak ministrliginiň metbugat sekretary Igor Konaşenkow, Russiýanyň harby birikmeleriniň Ukrainanyň Kiýew we Çernigow ugurlarynda meýilleşdirilen tertipde toparlandyrylandygyny belledi.

Russiýanyň Goranmak ministrliginiň metbugat sekretary Igor Konaşenkow, Ukrainadaky söweşde Russiýanyň goşunynyň hereketleri barada beýannama berdi.

Russiýanyň harby birikmeleriniň Ukrainanyň Kiýew we Çernigow ugurlarynda meýilleşdirilen tertipde toparlandyrylandygyny aýdan Konaşenkow: "Maksat esasy ugurlar boýunça aksiýalary artdyrmak we ähli zatdan ozal Donbassy dolulygyna azat etmek operasiýasyny tamamlamakdyr" diýip belledi. 

Konaşenkow, Russiýanyň goşunynyň Kiýew we Çernigow ugurlaryndaky wezipelerini ýerine ýetirendigini, Ukrainanyň Ýaragly güýçleriniň şol rus güýçleriň Günbatar we Orta zolaklardan Donbassa geçmeklerine päsgel berýändigini öňe sürdi. 

Konaşenkow: "Şu günki güne çenli Ukrainanyň Ýaragly güýçlerine degişli 124 uçar, 77 dikuçar, 214 howa goranyş raketa ulgamy, 323 uçarmansyz howa ulagy, 1767 taňk we sowutly ulag, 186 köp nilli raketa ulgamy, 741 gaubisa we minomýot, 1657 ýörite harby ulag ýok edildi" diýip belledi. 

Russiýanyň Goranmak ministrliginiň Ukrainadaky biologiki laboratoriýalaryň işgärlerinden ABŞ-nyň Ukrainadaky gizlin harby biologiki işleri barada alynan resminamalaryň derňew işleriniň dowam edýändigini aýdan Konaşenkow, Kiýewiň öldüriji maddalar daşap bilýän we pürküp bilýän uçarmansyz howa ulaglaryny ulanmak meýilnamalaryny görkezýändigi öňe sürülen resminamalaryň ünsleri özüne çekijidigini beýan etdi. 

Konaşenkow: "Ýüze çykan bu resminamalar, resmi Kiýewiň Donbassa we Russiýanyň ilatyna garşy biologiki ýarag ulanmak ähtimallygyny pikir edýändigini subut edýär" diýdi.