Eýran ABŞ-nyň Hökümetine Reaksiýa Bildirdi
Eýran ABŞ-nyň hökümetiniň Eýranyň raýatlaryna we firmalaryna sanksiýa goýmagyna reaksiýa bildirdi.
Eýranyň Daşary işler ministrliginden berilen ýazmaça beýannamada ABŞ-nyň höklümetinin “Resmi Tähranyň ballistiki raketa maksatnamasyna material taýdan goldaw berendigini” sebäpli Eýranyň raýatlaryna we firmalaryna goýulan sanksiýa hakyndaky analizlere orun berildi.
Ministrligiň metbugat Sekretary Said Hatipzada ABŞ-nyň Eýranyň raýatlaryna we käbir raýatlaryna goşmaça sanksiýa goýandygyna ünsi çekip; “Bu başlangyç ABŞ-nyň hökümetiniň Eýrana garşy netijesiz agyr gysyş syýasatyny dowam etdirmek üçin Eýranyň halky hakynda ýalňş pikiriniň beýleki bir görkezijisidir” diýdi.
Täze sanksiýalaryň Amerikan höklümetiniň beýan edýäniniň tersine “her bir şerti esassyz günäkärlemeler we Eýranyň halkyna gysyş etmek üçin ulanýandygynyň açyk delilidigini” beýan eden Hatipzada; “ABŞ, Ýadro ýaraglarynyň ýaýbaňlandyrylmagynyň öňüniň alynmagy hakyndaky ylalaşygyň borçlaryny doly ýerine ýetirmäge taýýardygyny beýan etmegine garamazdan BGM-niň Howpsuzlyk geňeşiniň 2231 belgili kararyny basgylamaga dowam edýär” diýdi.
ABŞ-nyň Gazna ministrligi düýn Eýranyň ballistiki raketa maksatnamasyna goldaw berýändigini öňe sürüp bir adama we oňa degişli guramalara täze sanksiýa goýulandygyny beýan edipdi.
