Zelenskiý rus wekiliýeti bilen Belarussiýa serhedinde şertsiz gepleşikleriň geçiriljekdigini belledi

Wladimir Zelenskiý sosial media hasabyndan beren beýanatynda, Belarussiýanyň Prezidenti Aleksandr Lukaşenko bilen geçiren telefon söhbetdeşligi barada maglumat berdi. 

Zelenskiý: "Ukrainanyň wekiliýetiniň Ukraina-Belarussiýa serhediniň golaýyndaky Pripýat derýasy sebitinde rus wekiliýet bilen deslapky şertsiz ýagdaýda gepleşikleriň geçirilmegi barasynda ylalaşdyk" diýip habar berdi. 

Lukaşenkonyň Belarussiýada Ukrainanyň wekiliýetiniň howpsuzlugyna kepil geçendigini aýdan Zelenskiý: "Lukaşenko Ukrainanyň wekiliýetiniň syýahat, gepleşikler we yzlaryna gaýdyş tapgyrynda Belarussiýanyň topraklaryndaky ähli uçarlaryň, dikuçarlaryň we raketalaryň ýerde galjakdygy baradaky jogapkärçiligi öz üstüne aldy" diýip aýan etdi. 

Russiýanyň Ukraina bilen gepleşikler geçirjek wekiliýetiň başlygy Russiýanyň Döwlet baştutanynyň maslahatçysy Wladimir Medinskiý, Ukrainanyň wekiliýetiniň Belarussiýanyň Gomel sebitinde gepleşiklere gatnaşmagy kabul edendigini beýan edipdi.