Hytaý Kowid-19-a Garşy Dermanlaryň Synaglaryndan Oňyn Netije Aldy
Hytaýda täze görnüş koronawirusa garşy öndürilen käbir dermanlaryň we bejergileriň kliniki synaglarynda oňyn netijeler alyndy.
“Çaýna Deýli” gazetiniň habaryna görä Pekiniň Genom ylmynyň ýokary täzelik merkeziniň Dörektory Sunnyý Şi Kowid-19-yň ähli wariantlaryna garşy doly netijeli antitelonyň tapylandygyny aýtdy.
“DXP-604” atlandyrylan antitelonyň laboratoriýadaky barlaglarynda wirusyň ähli mutasiýalaryna garşy netijelidigini nygtan Sunnyý, şol antitelodan peýdalanyp öndürilen dermanlardan biriniň Beižing Ditan keselhanasynda ikinji tapgyr kliniki synaglara başlandygyny beýan etdi.
Sunnyý häzirki wagta çeni 14 kesellide synagdan geçirilen dermanyň wirusyň simptomlaryny ortadan aýyrmakdan netije berendigini nygtady.
Hytaýda we ABŞ-da iş alyp barýan “Brii Bionskaýnes” firmasy “BRII-96” we “BRII-198” atlandyrylan iki antitelony birleşdirýän dermanyň adatdan daşary ýagdaýlarda ulanylmagyna rugsat berilmegi üçin ABŞ-nyň Derman we Azyk Edarasyna ýüz tutdy.
Firma, Sinhua uniwersitetiniň we Şynjynyň üçünji halk keselhanasynyň bilelikde öndüren dermany üçin alyp barýan üçünji tapgyr kliniki synaglarynda dermanyň Kowid-19 kesellilerinde ölüm we hassahanada bejergi mukdarlaryny 78 göterim azaldandygynynyň görülendigini habar berdi.
Firmanyň Başlygy we Hong Ji sanjymlamanyň entegem wirusa garşy iň esasy göreş serişdelerinden biridigini, emma antitelo bejergileriniň hem emele getirýän çalt immuniteti arkaly wirusy göterýän, emma heniz simptomy bolmadyk ýa-da wiruslylaryň ýakyn aragatnaşykda bolan adamlarynda öňüni alyjy bejergi maksady bilen peýdalanylyp bilinjekdigini beýan etdi.
Hytaýda Kowid-19-a garşy bellige alynan derman ýa-da bejergi ýok.
Degişli Habarlar
“Azerbaýjanyň Daşary Işler Ministri Bilen Duşuşygymyz Oňyn Atmosferada Geçdi”
Mirzoýan, Jeýhun Baýramow bilen Almaty şäherinde geçiren duşuşygy hakynda maglumat berdi.
