Russiýa halkara guramalar bilen Talibanyň arasynda araçylyk edýär
Lawrow, Rossiýa-24 telewideniýe kanalyna beren beýanatynda, Owganystanyň soňky ýagdaýynyň üstünde durup geçdi
Russiýanyň Daşary işler ministri Sergeý Lawrow, ýurdunyň Owganystana ynasanperwer kömekleriň ýetirilmegi babatynda halkara guramalar bilen Talibanyň arasynda ylalaşyga gelinmegi üçin araçylyk edýändigini mälim etdi.
Russiýanyň Daşary işler ministri Sergeý Lawrow, Rossiýa-24 telewideniýe kanalyna beren beýanatynda, Owganystanyň soňky ýagdaýynyň üstünde durup geçdi.
Russiýanyň Owganystana ynsanperwer kömekleriň ýetirilmegi babatyndaky işleriniň üstünde durup geçen Lawrow, bu ýurda indi ynsanperwer kömekleriň ýetirilmeginiň gerekdigini beýan etdi.
Günbatar ýurtlaryň Owganystana goşant goşmaga başlandygyny görendiklerini aýdan Lawrow, şol kömekleriň nähili paýlanjakdygynyň mesele bolmagynda galýandygyny aýan etdi.
Lawrow: "Ençeme ýurt ynsanperwer kömekleri gönüden hökümede bermek isleýär, halkara guramalaryň araçylyk etmegi bilen iş salyşmak isleýärler. Muňa bir sebäp hökmünde garaýarys we Kabuldaky hökümet bilen ynsanperwer guramalar başda bolmak bilen halkara guramalaryň degişli işleri alyp barmagynda ylalaşyga gelmegine kömek berýäris" diýip habar berdi.
