Ysraýylyň Afrika Bileleşigine Synçy Agzalygyna Reaksiýa Bildirildi
Ysraýylyň Afrika Bileleşigine synçy agza bolmagyna arap ýurtlary Müsür, Alžir, Komor adasy, Tunis, Jibuti, Moritaniýa we Liwiýa reaksiýa bildirdi.
Müsüriň “Mysly al-Ýewm” gazeti we merkezi Moritaniýada ýerleşýän “Sahra” media gullugynyň habar bermegine görä şolbir wagtda Afrika Bileleşigine agza 7 arap döwletiniň wekilleri Ysraýylyň synçy agzalyga kabul edilmegi hakyndaky karar boýunça Afrika Bileleşiginiň Başlygy Musa Faka dilden nota berdiler.
Adybir 7 arap ýurdunyň Afrika Bileleşiginiň Addis Ababadaky ilçileri tarapyndan berilen notalarda 7 Afrika ýurdunyň Afrika Bileleşiginiň Palestina meselesine berýän goldawa üns çekip, Ysraýylyň Afrika Bileleşigine synçy agzalyga kabul edilmegine garşylyk görkezendigi beýan edilýär.
Ysraýylyň Afrika Bileleşigine synçy agzalyga kabul edilmeginiň Afrika Bileleşiginiň ulgamyna bap gelmeýändigine üns çekilýän notalarda; “Bu, Komissiýanyň Başlygynyň ygtyýaryna baglyklykda kabul edilip bilinmez. Usulyýet we syýasy taýdan düzgün bozmadyr” diýilýär.
Günorta Afrika Respublikasy, Namibiýa we Botswana hem Ysraýylyň Afrika Bileleşigine synçy agzalyga kabul edilmegine garşy durupdy.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.