Siriýada Çaknyşyksyz Zolakda Guralan Hüjümde Asuda Ilatdan 6 Adam Ýogaldy
Asada tabynlykdaky güýçler Iblin obasyna gury ýerden we howadan hüjüm gurady.
Siriýada, Asada tabynlykdaky güýçler we Eýran tarapyndan goldanýan terrorçy toparlaryň Idlibde çaknyşyksyz zolakda ýerleşýän Iblin obasyna guran hüjüminde asuda ilatdan 6 adam ýogaldy, 13 adam ýaralandy.
Asada tabynlykdaky güýçler Idlibiň günortasynda ýerleşýän Iblin obasyna gury ýerden we howadan hüjüm gurady.
Hüjümde 1-i zenan 6 adam ýogaldy.
Ýaralanan 13 adam hem golaýdaky hassahanalarda bejergi astyna alyndy.
Ýaralananlardan 3-niň ýagdaýynyň agyrdygy habar berildi.
Beýleki tarapdan oppozisionerler Russiýa degişli harby uçarlaryň ertiriň irki sagatlarynda Idlibiň günortasynda ýerleşýän Mozara, Belýun, Fattira we Keferaawid obalaryna hüjüm gurandygyny habar berdi.
2020-njy ýylyň 5-nji martynda Russiýanyň paýtagty Moskwada, Türkiýe bilen Russiýa hüjümleriň bes edilmegi meselesinde ylalaşyk gazanylypdy.