Russiýa degişli harby gämiler Gara deňizde türgenleşik geçirmäge dowam edýär
Russiýa degişli harby gämileriň Gara deňizde harby türgenleşik geçirmäge dowam edýändigi mälim edildi
Russiýanyň Gara deňiz flotyndan berilen beýanata görä, gyş möwsümindäki tälim we gözegçilik işleriniň çäginde 20-den gowrak harby gämi, Gara deňizde türgenleşik geçirýär.
Türgenleşige "Su-25CM3" kysymly uçarlar bilen howa goranyş ulgamlary hem gatnaşdyrylýar.
Russiýanyň Günorta harby zolagyndaky 50-den gowrak harby uçaryny bikanun ýagdaýda anneksiýa eden Krym ýarymadasyna ýerleşdirendigi habar berildi.
Russiýanyň Goranmak ministri Sergeý Şoýgu, 6-njy aprelde Russiýanyň harby güýçleriniň söweşe taýarlyk bilen baglanşykly gözegçiliklere başlandyklaryny belläp, ýurdyň biri-birinden tapawutly poligonlarynda harby türgenleşikleriň geçiriljekdigini mälim edipdi.
Ady agzalan tälim meýilnamasynyň çäginde aprel aýynda 4 müň 48 aýry harby türgenleşigiň geçiriljekdigi aýan edilipdi.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.
