Albaniýada metjitde pyçakly hüjüm guraldy
Albaniýanyň paýtagty Tirana şäherinde ýerleşýän Dine Hoja metjidindäki pyçakly hüjümde 5 adam ýaralandy, hüjümçi göz tussaglygyna alyndy
Tirana şäheriniň ýerli Içeri işler müdürliginden berilen beýanatda, metjide giren bir adamyň entek anyklanmadyk sebäp bilen, elindäki pyçagy bilen 5 adamy ýaralandygy mälim edildi.
Beýanatda, Albaniýanyň raýaty, 34 ýaşyndaky Rugolf Nikolliniň polisiýa işgärleriniň tagallasy bilen täsirsiz ýagdaýa getirilip göz tussaglygyna alynandygy habar berildi.
Polisiýa işgärleriniň saglyk ýagdaýy kanagatlanarly bolan ýaralanan adamlara ilkinji tiz kömegini berendigi bellenen beýanatda, şol adamlaryň bejergi edilmek maksady bilen hassahanalara ugradylandygy aýan edildi.
Wakanyň anyklanmagy üçin polisiýa gullugynyň derňew işini başladandygy mälim edildi.
Degişli Habarlar
Eýranda Bolan Partlamada Ýogalanlaryň Sany 49 Adama Ýetdi
Günorta Horasan welaýatynyň Tebes etrabynda kömür käninde 21-nji sentýabr gijesi partlama bolupdy.