ÝB, Türkiýä Kömek Bermäge Mejbur
Žozef Borrel, ÝB-niň, immigrantlary kabul edendigi sebäpli Türkiýä kömek bermäge mejburdygyny aýtdy
ÝB-niň daşarky gatnaşyklardan we howpsyzlykdan jogapkär ýokary wekili Žozef Borrel, ÝB-niň, immigrantlary kabul edendigi sebäpli Türkiýä kömek bermäge mejburdygyny aýtdy.
Borrel, ÝB-niň Liwiýa goýlan ýarag embargosyna gözegçilik etmek üçin döredilen İrini operasiýasynyň serkerdelik merkezine baryp gördi.
Borrel merkezde metbugata beren beýannamasynda, Türkiýe bilen ÝB-niň arasynda baglaşylan immigrantlar şertnamasynyň bikanun göçüň we köp sanly adamyň ýogalmagynyň öňüni alandygyny nygtady.
“Şertnama dowam etdirilmeli” diýen Borrel, Türkiýäniň 4 milliondan gowrak immigranty kabul edendigini nygtap “ÝB, Türkiýä kömek bermäge mejbur” diýdi.
ÝB-niň daşarky gatnaşyklardan we howpsyzlykdan jogapkär ýokary wekili Žozef Borrel, duşenbe güni gurama agza ýurtlaryň daşary işler ministrleriniň gatnaşmagynda geçiriljek maslahatda Türkiýe-Gresiýa gatnaşyklarynyň seljeriljekdigini ýatlatdy.
