Fransiýanyň Daşary işler ministri Müsüriň Prezidenti bilen duşuşyk geçirdi

Fransiýanyň Daşary işler ministri Žan Iw Le Drian, paýtagt Pariž şäherinde Müsüriň Prezidenti Abdulfettah as-Sisi bilen duşuşyk geçirdi. 

Duşuşyk bilen baglanşykly resmi beýanat berilmedi. 

Sisi şu gün Ýeliseý köşgünde Fransiýanyň Prezidenti Emmanuel Makron bilen duşuşyk geçirer. 

Duşuşykda ikitaraplaýyn gatnaşyklar bilen birlikde terrora garşy göreş, Liwiýa, Gündogar Ortaýer deňizi, Liwan, Yrak, Eýran we Türkiýe bilen bagly meseleler ara alynyp maslahatlaşylar. 

Makron, Sisi bilen Ýeliseý köşgünde agşam naharynda duşuşyk geçirer. 

Aralarynda Halkara Günä geçişlik guramasy, Adam hukuklary gözegçilik guramasy, Adam hukuklary Ligasy we Müsürdäki käbir guramalar bilen birlikde jemi 18 Halkara adam hukuklary guramasyndan berilen umumy ýazmaça beýanatda, Makrondan Sisä Müsürdäki adam hukuklarynyň düzgün bozmalary bilen bagly tussag edilen aktiwistleriň we adam hukuk goraýjylarynyň azat edilmekleri babatynda basyş etmeklerini islediler.