Owganystanda minomýot bilen guralan hüjümde asuda ilatdan ençeme adam ýogaldy

Owganystanyň Kunduz welaýatynda minmýot bilen guralan hüjümde aralarynda çagalar we zenanlar hem bolan asuda ilatdan jemi 7 adam ýogaldy.

Kunduz welaýatynyň Taluka etrabynda asuda ilatyň ýaşaýan ýerine minomýotlar bilen hüjüm guraldy. 

Owganystanyň Goranmak ministrligi, Taliban tarapyndan guralan hüjümde aralarynda zenanlar we çagalar hem bolan asuda ilatdan jemi 7 adamyň ýogalandygyny, 6 adamyň bolsa ýaralanandygyny mälim etdi. 

Taliban hüjüm bilen baglanşykly beýanat bermedi. 

Kunduz welaýatynyň Ymam Sahip we Desti Arçi etraplarynda soňky günlerde Owganystanyň Howpsuzlyk güýçleri bilen Talibanyň arasynda ýaragly çaknyşyklar bolýar.