ABŞ-da Koronawirus Sebäpli Ýogalanlaryň Sany 227 Müň 409 Adamdan Geçdi

Dünýäde täze görnüş koronawirus epidemiýasy sebäpli ýogalanlaryň sany 1 million 136 müň 462, wirusa ýoluganlaryň sany 41 million 494 müň 389, sagalanlaryň sany 30 million 916 müň 843 adama ýetdi.

Epidemiýanyň merkezi ABŞ-da koronawirus sebäpli ýogalanlaryň sany 227 müň 409, wirusa ýoluganlaryň sany 8 million 584 müň 850 adama ýetdi. Ýurtda wirusa ýoluganlaryň sany günde ortaça 60 müň adama golaý, hünärmenler şol sanyň has-da artmagyna garaşýar.

Epidemiýanyň Ýewropadaky merkezi Britaniýada Kovid-19 sebäpli ýogalanlaryň sany soňky 24 sagatda 191 adam artyp 44 müň 158, wirusa ýoluganlaryň sany 26 müň 688 adam artyp 789 müň 229 adama ýetdi.

ABŞ-dan soň epidemiýanyň ikinji merkezi 211 million ilatly Braziliýada koronawirus sebäpli ýogalanlaryň sany 155 müň 459, hasaba alynan kesellileriň sany 5 million 300 müň 649 adamdan geçdi. Beýleki tarapdan Oksford uniwersitetiniň koronawirusa garşy taýarlanan sanjymyna meýletin ýagdaýda gatnaşan 28 ýaşyndaky braziliýaly lukmanyň ýogalandygy habar berildi.

Germaniýada koronawirus sebäpli 10 müň adam ýogaldy, 391 müň 290 adam hem hasaba alyndy. Saglygy goraýyş ministri Spahna koronawirusyň ýokaşandygy anyklandy.

Belgiýada epidemiýa sebäpli ýogalanlaryň sany 10 müň 489 adama ýetdi