Russiýa, ABŞ we Fransiýa, Azerbaýjan bilen Ermenistany Gepleşiklere Çagyrdy

Russiýanyň Prezidentiniň Diwanyndan berilen beýannama görä Prezident Wladimir Putiniň ýany bilen ABŞ-nyň Prezidenti Donald Tramp we Fransiýanyň döwlet Ýolbaşçysy Emmanuel Makron Daglyk Garabagdaky ýagdaýlar hakynda bilelikde beýannama berdi.

Beýannamada; “ÝHHG-nyň Minsk toparyna girýän ýurtlara wekilçilik edýän Putin, Tramp we Makron Daglyk Garabag sebitinde aragatnaşyk zolagyndaky çaknyşyklaryň möwjemegini  berk ýazgarýar” diýilýär.

Ölenleriň hossarlaryna duýgudaşlyk bildirilýän beýannamada: “Taraplary çaknyşyklary dessine bes etmäge çagyrýarys. Ermenistanyň we Azerbaýjanyň hökümetlerini ÝHHG-nyň egindeş ýolbaşçylarynyň goldawy bilen haýsydyr bir şertsiz çözgüt üçin gepleşikleri ýaňadandan başlamak boýunça jogapkärçilikli çemeleşmäge çagyrýarys"”diýilýär.

ÝHHG-nyň Minsk topary Ermenistan-Azerbaýjan düşnüşmezliginiň we Garabag meselesiniň parhatçylykly ýollardan çözülmegini höweslendirmek we taraplaryň arasynda töwellaçy bolmak maksady bilen 1992-nji ýylda döredilipdi.

Egindeş ýolbaşçyly Russiýa, Fransiýa we ABŞ tarapyndan ýerine ýetirilýän Minsk topary aradan geçen 28 ýylda ençeme başlangyçlaryna garamazdan Daglyk Garabag meselesiniň çözülmegi üçin anyk netije gazanyp bilmedi.