“ABŞ Eýrany Ýykmagyň Kül-Külünde”
Eýranyň Prezidenti Hasan Ruhani ABŞ-nyň uzak ýyllardan bäri Eýranyň dolanşyk ulgamyny ýykmagyň ugrundadygyny aýtdy
Eýranyň Prezidentiniň Diwanyndan berilen beýannama görä resmi sapar bilen Tähranda bolýan Şweýsariýanyň Daşary işler ministri İgnazio Kassisi kabul eden Ruhani, ABŞ-nyň sanksiýalaryny tankyt etdi.
ABŞ-nyň ýadro ylalaşygyndan çekilip we BMG-niň2231 belgili kararyna äsgermezçilik edip, 2,5 ýyldan bäri Eýrany dargatmak üçin sanksiýa goýup gelýändigini öňe süren Ruhani, döwletara gatnaşyklarda halkara şertnamalaryň we BMG-niň Howpsyzlyk geňeşiniň kararlarynyň esas emele getirýändigini aýtdy.
Eýranyň halkara şertnamalara we köptaraply ylalaşyklary dowam etdirjekdigini aýdan Ruhani: “ABŞ uzak ýyllardan bäri Eýranyň dolanşyk ulgamyny ýykmagyň ugrunda. Hormatly Tramp bu meselede ýalňyş hasap düzdi. Basyşlar we ykdysady söweşler bilen Eýranyň dolanşyk ulgamyny 3 aýyň dowamynda ýykaryn öýtdi. ABŞ, ýalňyşyndan el çekip, bikanun başlangyçlarynyň öwezini dolsa we ýadro ylalaşygyna dolanyp gelen halatynda, oňa ýol açylar” diýdi.
Şweýsariýanyň Daşary işler ministri Kassis bolsa ABŞ-nyň sanksiýalarynyň ýetirýän zyýanyny bilýändiklerini we döreden maliýe ulgamlarynyň şol meseläni ortadan aýyrmagy maksat edinýändigini aýtdy.
