ABŞ-da Kovid-19 Sebäpli Ýogalanlaryň Sanynyň Dekabar Aýynda 317 Müň Adama Ýetmegine Garaşylýar

Dünýäde täze görnüş koronawirus epidemiýasy sebäpli ýogalanlaryň sany 840 müň, wirusa ýoluganlaryň sany 24 million 858 müň, wirusy ýeňenleriň sany 17 million 225 müň adamdan geçdi.

Epidemiýanyň merkezi ABŞ-da koronawirus sebäpli ýogalanlaryň sany 185 müň 694, wirusa ýoluganlaryň sany 6 million adamdan geçdi. Ýurtda koronawirus sebäpli ýogalanlaryň sanynyň dekabar aýynda 317 müň 312 adama çenli baryp ýetmegine garaşylýar.

Ispaniýada Kovid-19 sebäpli ýogalanlaryň sany soňky 7 günde 129 adam artyp 29 müň 11 adama ýetdi. Saglygy goraýyş ministrligi koronawirusa ýoluganlaryň sanynyň soňky 24 sagatda 9 müň 779 adam artyp 439 müň 286 adama ýetendigini mälim etdi.

Portugaliýada epidemiýa sebäpli ýogalanlaryň sany 6 adam artyp 1815, hasaba alynanlaryň sany 401 adam artyp 57 müň 74 adama ýetdi.