BAE-niň we Ysraýylyň Daşary işler ministrleriniň arasynda telefon arkaly söhbetdeşlik geçirildi
Tramp, 13-nji awgustda penşenbe güni Ysraýyl bilen BAE-niň gatnaşyklary dolulygyna kadalaşdyrmak üçin ylalaşyk gazanandyklaryny habar beripdi
BAE-niň Daşary işler we Halkara hyzmatdaşlyk ministri Abdullah bin Zaýid Al Nahaýan bilen Ysraýylyň Daşary işler ministri Gabi Aşkenaziniň arasynda telefon arkaly söhbetdeşlik geçirildi.
Iki ýurdyň arasynda 13-nji awgustda gol çekişilen gatnaşyklaryň kadalaşdyrylmagy bilen bagly şertnamadan soň, ýurtlaryň Daşary işler ministrleriniň arasynda ilkinji telefon arkaly söhbetdeşlik geçirildi.
BAE-niň WAM habarlar agentliginiň berýän habaryna görä, Daşary işler ministrleri telefon söhbetdeşliginde, gazanylan ylalaşyk mynasybetli biri-birlerini gutladylar.
Iki ministr sebitleýin parahatçylygyň we galkynyşyň üpjün edilmegi üçin ady agzalan ylalaşygyň durmuşa geçirilmeginde tutanýerlidiklerini bellediler.
ABŞ-nyň Prezidenti Donald Tramp, 13-nji awgustda penşenbe güni Ysraýyl bilen BAE-niň gatnaşyklary dolulygyna kadalaşdyrmak üçin ylalaşyk gazanandyklaryny habar beripdi.