Dünýäde koronawirusa ýoluganlaryň sany 13 million 241 müň adama ýetdi

Dünýä derejesinde täze görnüş koronawirus epidemiýasy sebäpli ýogalan adamlaryň sany 575 müň 641 adamdan, wirusa ýoluganlaryň sany 13 million 241 müň adamdan, saglyk ýagdaýy gowulaşan adamlaryň sany bolsa 7 million 708 müň adamdan geçdi. 

Hindistanda koronawirus epidemiýasy sebäpli ýogalanlaryň sany 23 müň 727 adama, wirusa ýoluganlaryň sany bolsa 907 müň 645 adama ýetdi. 

Epidemiýanyň başlan gününden bäri 4 müň 634 adam ýogalan Hytaýda, soňky 24 sagatda adam ýitgisi çekilmesede, wirusa ýoluganlaryň sany ýene-de 3 adam artdy. Şeýlelik bilen ýurtda wirusa ýolugan adamlaryň sany 83 müň 605 adama ýetdi. 

Günorta Koreýada epidemiýa sebäpli jemi 289 adam ýogaldy. Ýurtda soňky 24 sagatda ýene-de 33 adamyň koronawirusa ýolugandygy anyklandy. Şeýlelik bilen Günorta Koreýada wirus ýokan adamlaryň sany jemi 13 müň 512 adama ýetdi. 

Russiýada koronawirus epidemiýasy sebäpli jemi 11 müň 439 adam ýogaldy, wirusa ýoluganlaryň sany bolsa 733 müň 699 adama ýetdi.

13 müň 32 adamyň ýogalan Eýranda, wirusa ýoluganlaryň sany 259 müň 652 adama ýetdi. 

Palestinada Kovid-19 sebäpli ýene-de 5 adam ýogaldy we ýene-de 404 adamyň wirusa ýolugandygy anyklandy. Şeýlelik bilen koronawirus epidemiýasy sebäpli adam ýitgisi 41-e, wirusa ýoluganlaryň sany bolsa 7 müň 441 adama ýetdi. 

Koronawirus sebäpli 13 müňden gowrak adam ýogalan we wirusa ýoluganlaryň sany 260 müňe ýeten Eýranda, Kovid-19 sebäpli metjitler, uniwersitetler, mekdepler, sport merkezleri, kafeler we şüweleň merkezleri 1 hepde möhlet bilen ýapyk bolar. Tähranda 1 hepdäniň dowamynda toýlar, sosial, medeni we ähli dini çäreler gadagan edildi.