Dünýäde wirusa ýoluganlaryň sany 10 million 346 müň adamdan geçdi

Dünýäde täze görnüş koronawirus epidemiýasy sebäpli ýogalanlaryň sany 506 müň, wirusa ýoluganlaryň sany 10 million 346 müň, sagalanlaryň sany 5 million 611 müň adamdan geçdi.

Epidemiýanyň Ýewropadaky merkezi Britaniýada koronawirus sebäpli ýogalanlaryň sany 43 müň 550 adamdan geçdi. Paýtagt Londonyň 160 kilometr demirgazygynda ýerleşýän 400 müň ilatly Lester şäherinde soňky 2 hepde-de 866 adamyň hasaba alynandygy sebäpli Saglygy goraýyş ministri Hankok, şäherde şu günden başlap dükanlaryň, penşenbe gününden başlap hem mekdepleriň ýapyljakdygyny mälim etdi.

Italiýada Kowid-19 sebäpli ýogalanlaryň sany 1 günde 6 adam artyp 34 müň 744 adama ýetdi. Soňky 24 sagatda ýene-de 174 adama wirusyň ýokaşandygy anyklanyldy.

Fransiýada epidemiýa sebäpli ýogalanlaryň sany soňky 3 günde 35 adam artyp 29 müň 813 adama, wirusa ýoluganlaryň sany 1 günde 280 adam artyp 200 müň 611 adama ýetdi.

Ispaniýanyň Saglygy goraýyş ministrligi Kovid-19 sebäpli ýogalanlaryň sanynyň soňky 1 hepdede 3 adam artyp 28 müň 346 adama, hasaba alynanlaryň sanynyň soňky 24 sagatda 84 adam artyp 248 müň 334 adama ýetendigini mälim etdi.

Portugaliýada Kovid-19 sebäpli ýogalanlaryň sany 4 adam artyp 1568, hasaba alynanlaryň sany 266 adam artyp 41 müň 912 adama ýetdi.

Balkanlarda koronawirusa ýoluganalryň sanynyň artmagy sebäpli käbir ýurtlarda ýaňadandan çäklendirmeler goýuldy.

Serbiýada epidemiýa sebäpli ýogalanlaryň sany soňky 24 sagatda 4 adam artyp 274 adama, wirusa ýoluganlaryň sany 242 adam artyp 1433 adama ýetdi. Paýtagt Belgratda ýapyk ýerlerde maska dakmak mejbury ýagdaýa getirildi, Wranže şäherinde adatdan daşary ýagdaý yglan edildi.

Sloweniýada Kovid-19 sebäpli 111 adam ýogaldy, hasaba alynanlaryň sany 4 adam artyp 1585 adama ýetdi.

Koronawirus Horwatiýada 107 adamyň ýogalmagyna sebäp boldy. Wirusa ýoluganlaryň sany 34 adam artyp 1725 adama ýetdi.

Bosniýa-Gersegowinada wirusa ýoluganlaryň sany 128 adam artyp 4 müň adama golaýlady.