Liwiýanyň hökümeti Arap ligasynyň guraýan Liwiýa temaly maslahatyna gatnaşmagy kabul etmeýär
Liwiýa maslahatyň Liganyň umumy kadalaryna laýyklykda guralmandygyny beýan edýär
Liwiýanyň hökümeti Arap ligasynyň guraýan Liwiýa temaly maslahatyna liganyň Sekretariatynyň guramanyň düzgünnamasyna bap gelmeýändigine garamazdan wagt kesgitlemegi sebäpli gatnaşmagy kabul etmeýändigini habar berdi.
Liwiýanyň Daşary işler ministrliginiň Metbugat sekretary Muhammed al Kawlawi beren beýannamasynda resmi Kairiň islegine laýyklykda Arap ligasynyň nobatdan daşary maslahatr geçirmek hakyndaky kararynyň seljerilendigini we oňa gatnaşmagyň kabul edilmändigini aýtdy.
Arap ligasynyň Baş sekretarlygynyň guramanyň düzgünnamasyna bap gelmeýän görnüşde maslahatyň wagtyny kesgitländigini aýdan Kablawi, Arap ligasynyň düzgünleriniň berjaý edilmegi üçin çagyryş berdi.
Beýleki tarapdan Arap ligasynyň Baş sekretarynyň orunbasary Zeki al Emin bolsa şu gün geçirilmegi meýilleşdirilen Liwiýa maslahatynyň tehniki taýarlyklaryň gutarmandygy we wekiliýetleriň gatnaşygynyň üpjün edilmegi üçin ertire süýşürilendigini habar berdi.
Arap ligasynyň Baş sekretariaty anna güni Müsürden Liwiýadaky meseleleri ara alyp maslahatlaşmak üçin nobatdan daşary maslahat geçirilmeginiň talap edilendigini beýan edipdi.
Liwiýanyň Daşary işler ministrliginden berilen beýannamada bolsa resmi Kairiniň şol maslahat boýunça Liwiýanyň hökümeti bilen geňeşmändigi, şol sebäpli maslahatyň umumy kadalara bap gelmeýändigi nygtalypdy.
