Koronawirus howply bolmagynda galýar

Dünýäde täze görnüş koronawirus sebäpli ýogalanlaryň sany 318 müň, wirusa ýoluganlaryň sany 4 million 860 müň, wirusy ýeňenleriň sany 1,5 milliondan adamda geçdi.

17-nji aprelden bäri koronawirusa ýoluganyň bolmandygy sebäpli Demirgazyk Kipr Türk Respublikasynda, epidemiýa sebäpli görlen çäreleriň esasy bölegi Ministrler kabinetiniň karary bilen bes edildi.

Azerbaýjanda Kovid-19 sebäpli 40 adam ýogaldy, 3 müň 387 adam hasaba alyndy. Ýurtda düýn naharhanalar, kafeler, çaýhanalar we muzeýler hyzmada açyldy.

Koronawirus Belarusda 171 adamyň ýogalmagyna sebäp boldy. Ýurtda soňky 24 sagatda koronawirusa ýoluganlaryň sany 922 adam artyp 30 müň 572 adama ýetdi.

Gazagystanda epidemiýa sebäpli 35 adam ýogaldy, 6 müň 440 adam hasaba alyndy. Paýtagt Nur Soltan bilen Petropawlowks şäherlerinde ertirden başlap söwda merkezleri we hamamlar hyzmada açylar.

Özbegistanda koronawirus sebäpli 13 adam ýogaldy, 2 müň 779 adam hasaba alyndy.

Täjigistanda Kovid-19 sebäpli ýogalanlaryň sany 2 adam artyp 41 adama, wirusa ýoluganlaryň sany 205 adam artyp 1 müň 729 adama ýetdi.

Moldowada epidemiýa sebäpli 217 adam ýogaldy, 5-i saglygy goraýyş işgäri bolmak bilen ýene-de 78 adama wirusyň ýokaşandygy anyklanyldy. Ýurtda jemi hasaba alynanlaryň sany 6 müň 138 adama ýetdi.

Epidemiýa sebäpli uly ýitgi çeken ýurtlaryň sanawynda 11-nji orny eýeleýän Hindistanda epidemiýa sebäpli 3 müň 155 adam ýogaldy, 100 müň 340 adam hem hasaba alyndy.