Dünýäde täze görnüş koronawirus sebäpli 274 müň adam ýogaldy

Epidemiýanyň merkezi ABŞ-da koronawirus sebäpli ýogalanlaryň sany soňky  24 sagatda 2 müň 181 adam artyp 76 müň 998 adama ýetdi. Wirusa ýoluganlaryň sany 1 günde 31 müň 326 adam artyp 1 million 295 müň 312 adama ýetdi.

Beýleki tarapdan Wise-prezidet Maýk Pensiň ofisinden ýene-de bir adama koronawirusyň ýokaşandygy anyklanyldy. Öňňin hem Prezident Donald Trampyň ýakyn  kömekçisine koronawirusyň ýokaşandygy anyklanylypdy.

Epidemiýanyň Ýewropadaky merkezine öwrülen Britaniýada Kowid-19 sebäpli ýogalanlaryň sany soňky 1 günde 626 adam artyp 31 müň 241 adama ýetdi. Hasaba alynanlaryň sany 4 müň 649 adam artyp 211 müň 364 adama ýetdi.

Italiýada wirus sebäpli ýogalanlaryň sany 243 adam artyp 30 müň 201 adama ýetdi. Hasaba alynanlaryň sany bolsa 1663 adam aşaklap 87 müň 961 ýetdi.

Fransiýada Kowid-19 sebäpli ýogalanlaryň sany soňky 24 sagatda 243 adam artyp 26 müň 230 adama, wirusa ýoluganlaryň sany bolsa 642 adam artyp 210 müň 86 adama ýetdi.

Germaniýada koronawirusa garşy görülen çäreleriň gowşadylmagynyň çäginde metjitlerde ýaňadandan köpçülikleýin ybadat edilmäge başlandy.

Koronawirus epidemiýasynyň dünýäde giňden ýaýran ýerlerinden biri bolan Ispaniýada hökümet tapgyrlaýyn kadalaşyş tapgyrynda 11-nji maýda ikinji basgançagyň ispanlaryň 51 göterimine degişli boljakdygyny beýan etdi. Ýurtdaky 17 awtanom dolanşykdan 11 sanysy bilen Marokkada ýerleşýän, emma İspaniýa tabynlykdaky Jeuta we Malilla şäherleri dolulygyna 1-nji tapgyra geçýän bolsa, beýleki sebitlerde çäkli ýerlerde ikinji tapgyra geçiljekdigini habar berildi. Epidemiýanyň agyr bolan ýerlerinden Madrit şäheri 1-nji tapgyra geçilmegi doly gadagan edilen ýeke-täk azbaşdak sebit.

Braziliýada koronawirus epidemiýasy sebäpli ýogalanlaryň sany 751 adam artyp, 9,897 adama, hasaba alynanlaryň sany bolsa 10,222 adam artyp, 145,328 adama ýetdi.