ÝB koronawirus epidemiýasy sebäpli 10 ýurda 3 milliard ýewrolyk maliýe kömegini berer

ÝB-ne agza ýurtlar koronawirus  epidemiýasy sebäpli 10 ýurda 3 milliard ýewrolyk maliýe kömegini berer.

ÝB-ne agza ýurtlar, täze görnüş koronawirus epidemiýasy sebäpli 10 ýurda jemi 3 milliard ýewrolyk makro maliýe goldawynyň berilmegi hakyndaky bukjany tassyklady.

ÝB Geňeşi, Kowid-19-a garşy göreş maksady bilen dürli ýurtlara maliýe goldawynyň berilmegini öz içine alýan bukjanyň agza ýurtlar tarapyndan tassyklanandygyny habar berdi.

Makro maliýe goldawy bukjasynyň çäginde Albaniýa 180 million ýewro, Bosniýa-Gersegowina 250 million ýewro, Gruziýa 150 million ýewro, Iordaniýa 200 million ýewro, Kosowa 100 million ýewro, Moldowa 100 million ýewro, Demirgazyk Makedoniýa 160 million ýewro, Tunise 600 million ýewro we Ukraina hem 1,2 milliard ýewrolyk makro maliýe goldawy berler.

ÝB, ýakyn töweregindäki ýurtlara ykdysady krizis döwürlerinde makro maliýe kömegini berýär.