Günorta Koreýa Demirgazyk Koreýa protest notasyny berdi
Koreýa Respublikasy Harby goşundan saplanan zolakda düýn iki taraply od açylmagy sebäpli Demirgazyk Koreýa protest notasyny ugratdy
“Ýonhap” habarlar gullugynyň mälim etmegine görä Goranmak ministrliginiň Metbugat sekretary Çoi Hýun-soo metbugata düýn Harby goşundan saplanan zolakda ýerleşýän Koreýa Respublikasyna degişli gözegçilik nokadyna Demirgazyk Koreýa tarapyndan birnäçe gezek od açylmagy hakynda beýanat berdi.
Çoi Demirgazyk Koreýadan henize çenli jogap gelmändigini beýan edi.
Koreýa Respublikasynyň goranmak ministrliginiň resmileri zolakda 2,5 ýyldan bäri ilkinji gezek iki taraply od açylandygyny nygtadylar.
Beýleki tarapdan ABŞ-nyň öňbaşçylygyndaky BMG-niň Harby serkerdeligi mesele boýunça derňew işiniň geçiriljekdigini habar berdi.
Koreýa Respublikasynyň Baş ştabyndan düýn berilen beýannamada ýerli wagt boýunça sagat 7:41-de Demirgazyk Koreýa tarapyndan Koreýa Respublikasynyň serhegindäki harby gözegçilik nokadyna birnäçe gezek od açylandygy habar berilipdi.
Gysga möhletde Koreýa Respublikasynyň esgerleriniň garşy tarapa duýduryş ody açylyp, Demirgazyk Koreýa gaýtawul görkezilendigi barada aýdylýan beýannamada, wakada adam pidasynyň ýa-da ýaralanmanyň bolmandygy mälim edilipdi.
Degişli Habarlar
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.
