Dünýäde koronawirus ýokaşanlaryň sany 1 million 926 müň adamdan geçdi

Dünýäde koronawirus sebäpli ýogalanlaryň sany 120 müň wirus ýokaşanlaryň sany 1 million 926 müň, sagalanlaryň sany bolsa 452 müň adamdan geçdi.

Kowid-19 sebäpli Hytaýda soňky 24 sagatda 89 adam hasaba alyndy, wirus sebäpli soňky 1 günde ýurtda ýogalan bolmady. Epidemiýanyň başlan gününden bäri koronawirus ýokaşanlaryň sany 82 müň 249 adama ýetdi.

Eýranda koronawirus sebäpli ýogalanlaryň sany 4 müň 683 adama, wirus ýokaşanlaryň sany 73 müň 303 adama ýetdi.

Russiýada Kowid-19 sebäpli ýogalanlaryň sany 22 adam artyp 170, hasaba alynanlaryň sany bolsa 2 müň 774 adam artyp 21 müň 102 adama ýetdi.

Ukrainada koronawirus sebäpli 98 adam ýogaldy, wirus ýokaşanlaryň sany 270 adam artyp 3 müň 372 adama ýetdi, 119 adam hem sagaldy.

Koronawirus Maldowada 36 adamyň ýogalmagyna, 1712 adamyň hem hasaba alynmagyna sebäp boldy.

Belarusyň Prezidenti Aleksandr Lukaşenko, ýurdunda koronawirus sebäpli ýogalanyň bolmandygyny öňe sürdi. Saglygy goraýyş ministrliginden berlen beýanata görä bolsa, ýurtda soňky 1 günde Kowid-19 sebäpli 3 adam ýogaldy. Şeýlelikde koronawirus sebäpli ýogalanlaryň sany 29 adama ýetdi. Ministrlige görä, ýurtda wirus ýokaşanlaryň sany hem 3 müňe golaý.

Gazagystanda koronawirus sebäpli 14 adam ýogaldy, 1179 adam hem hasaba alyndy, sagalanlaryň sany 138 adama ýetdi. 82 ýaşyndaky zenan koronawirusy ýeňmegi başardy.

Gyrgyz Respublikasynyň Prezidenti Sooronbaý Jeenbekow, adatdan daşary ýagdaýyň möhlediniň 15-nji aprelden 30-njy aprele çenli uzadylmagy barada karar kabul etdi. Ýurtda epidemiýa sebäpli 5 adam ýogaldy, 430 adam hem hasaba alyndy. Sagalanlaryň sany hem 71 adama ýetdi.

Ermenistanda koronawirus sebäpli 16 adam ýogaldy, wirus ýokaşanlaryň sany 1067 adama ýetdi.

Özbegistanda bolsa koronawirus sebäpli 4 adamyň ýogalandygy, 1054 adamyň hasaba alynandygy, kesellilerden 89 adamyň sagalandygy habar berildi.

Gruziýada wirus sebäpli 3 adam ýogaldy, 299 adam hasaba alyndy, 68 adam hem sagaldy.

Ysraýylda koronawirus sebäpli ýogalanlaryň sany 115 adama ýetdi. Hökümet şäherara gatnawyň gadagan edilendigini we şu günden başlap penşenbe gününe çenli köçä çykmagyň hem gadagan edilendigini mälim etdi.

Müsürde koronawirus sebäpli ýogalanlaryň sany 159 adama ýetdi, 2 müň 65 adam hem hasaba alyndy. Bütindünýä Saglygy goraýyş guramasy, Müsüre epidemiýa garşy göreşiň çäginde bazarlarda we dükanlarda wirusa garşy berk çäre görmegi üçin çagyryş berdi.

Bahreýnde koronawirus sebäpli 7 adam ýogaldy, 1392 adam hem hasaba alyndy.

Koronawirus Omanda 4 adamyň ýogalmagyna, 813 adamyň hem hasaba alynmagyna sebäp boldy.

Kowid-19 sebäpli Liwanda 632, Iordaniýada 391adama ýetdi.

Hindistanda koronawirus sebäpli 358 adam ýogaldy, 10 müň 541 adama hem wirusyň ýokaşandygy anyklanyldy.

Singapurda koronawirus sebäpli 9 adam ýogaldy, wirus ýokaşanlaryň sany 386 adam artyp 2 müň 918 adama ýetdi.