Koronawirus ýokaşanlaryň sany 1 million 600 müň adamdan geçdi

Dünýäde koronawirus sebäpli ýogalanlaryň sany 94 müň, wirus ýokaşanlaryň sany 1 million 600 müň, sagalanlaryň sany bolsa 350 müň adamdan geçdi.

Soňyky 24 sagatda wirus sebäpli Hytaýda 1 adam ýogaldy. Hytaýda epidemiýanyň başyndan bäri Kowid-19 sebäpli ýogalanlaryň sany 3 müň 336, wirus ýokaşanlaryň sany 81 müň 907 adama ýetdi. 77 müň 455 keselli hem sagaldy.

Günorta Koreýada koronawirus sebäpli 208 adam ýogaldy, 10 müň 450 adam hem hasaba alyndy. Ýurtda fewral aýyndan bäri ilkinji gezek koronawirus ýokaşanlaryň sany 30 adamdan az boldy.

Bangladeşde wirus sebäpli 21 adam ýogaldy, wirus ýokaşanlaryň sany 112 adam artyp 330 müň adama ýetdi.

Koronawirus sebäpli Russiýada 94 adam ýogaldy. Wirus ýokaşanlaryň sany 1786 adam artyp 11 müň 917 adama ýetdi.

Gazagystanda adatdan daşary ýagdaýyň möhledi 15-nji aprele çenli uzadyldy. Ýurtda epidemiýa sebäpli ýogalanlaryň sany 9, hasaba alynanalryň sany 802 adama ýetdi.

Ysraýylda koronawirus sebäpli ýogalanlaryň sany 92, hasaba alynanlaryň sany 10 müň 95 adama ýetdi. Ýurtda müňe golaý adam hem sagaldy.

Alžirde koronawirus sebäpli 235, Marokkoda 97, İordaniýada 7, Tunisde 25, Omanda bolsa 3 adam ýogaldy.

Ýemeniň hökümeti ýurtda ilkinji gezek koronawirus keselliniň hasaba alynandygyny mälim etdi. Koronawirusyň ýaýramagynyň öňüni almak maksady bilen wirusyň hasaba alynan Hadramewt şäherinde köçä çykmak gadagan edildi. Ýemende Eýran tarapyndan goldanýan Husiler, epidemiýa sebäpli zamun alynan 1670 adamyň boşadylandygyny mälim etdi.

Yrakda Kowid-19 sebäpli ýogalanlaryň sany 69, hasaba alynanlaryň sany 1202 adama ýetdi. Goranmak ministrligi ýokary çinli harby ýolbaşçynyň koronawirus sebäpli ýogalandygyny mälim etdi.

Bütindünýä Saglygy goraýyş guramasy Palestinanyň koronawirusyň anyklanyş enjamlarynyň ugradyljakdygyny mälim etdi. Ýurtda 13-i Gazada bolmak bilen jemi 263 adamyň hasaba alynandygy habar berildi.