Soňky 6 günde ýene-de 148 müň adam Siriýa-Türkiýe serhedine göçdi
2019-njy ýylyn ýanwar aýyndan bäri Türkiýe serhedine göçenleriň sany 1 million 942 müň adama ýetdi
Siriýada Asada tabynlykdaky güýçleriň we tarapdary Russiýanyň Idlibde çaknyşyksyz zolakda guran hüjümleri sebäpli soňky 6 günde ýene-de 148 müň adam Siriýa-Türkiýe serhedine göçdi.
Mesele hakynda berlen beýanata görä, Idlibiň şäher merkezinden, Halabyň günbatarynda we günortasynda ýerleşýän Daret Izze etraby bilen golaýyndaky obalardan Siriýa-Türkiýe serhedinde göçýänleriň sany gün saýyn köpelýär.
Asada tabynlykdaky güýçleriň, Eýran tarapyndan goldanýan terrorçy toparlaryň we Russiýanyň hüjümleri sebäpli Idlibde çaknyşyksyz zolakdan soňky 6 günde ýene-de 148 müň adam Siriýa-Türkiýe serhedine göçdi.
Göçenleriň esasy bölegi Türkiýe serhediniň golaýyndaky bosgun düşelgelerine, bir bölegi bolsa Türkiýäniň guran Ýefrat Galkany we Zeýtun Şahajygy operasiýasy netijesinde terrordan saplanan zolaklara ýerleşdi.
Idlibiň günortasyndan we günorta gündogary bilen Halabyň günbataryndan we günortasyndan 2019-njy ýylyn ýanwar aýyndan bäri Türkiýe serhedine göçenleriň sany 1 million 942 müň adama ýetdi.
