Tel Abýatda guralan bombaly hüjümde asuda ilatdan 4 adam ýogaldy
Tel Abýad 2019-njy ýylyň 13-nji oktýabrynda Parahatçylyk Çeşmesi operasiýasy bilen terrordan saplanypdy
Türk ýaragly güýçleri we Azat Siriýa goşuny tarapyndan guralan Parahatçylyk çeşmesi operasiýasy bilen terrordan saplanan Siriýanyň demirgazygynda ýerleşýän Tel Abýad etrabynda guralan bombaly hüjümde asuda ilatdan 4 adam ýogaldy.
Tel Abýad etrap merkezine terrorçylar tarapyndan goýlan bombanyn ýarylmagy sebäpli ilkinji kesgitlemelere görä, asuda ilatdan 4 adam ýogaldy.
Howpsyzlyk güýçleri, terrordan saplanan etrapçalarda bombaly hüjümleriň ekstremist terror guramasy ÝPG/PKK tarapyndan guralýandygyny emma terror guramasynyň asuda ilata zeper ýetirýändigi üçin hüjümleriň jogapkärçiligini öz üstüne almakdan gaça durýandygyny nygtaýar.
Şanlyurfanyň Akçakale etrabynyň garşysynda ýerleşýän Siriýanyň Tel Abýad etraby 2019-njy ýylyň 13-nji oktýabrynda Parahatçylyk Çeşmesi operasiýasy bilen terrordan saplanypdy.
