Donald Tramp 50-nji Bütindünýä Ykdysady forumynda çykyş etdi
ABŞ-nyň Prezidenti Donald Tramp, ýurdundaky ykdysady görkezijileriň ajaýypdygyny beýan etdi
Donald Tramp, Şweýsariýanyň Dawos şäherçesinde geçirilýän 50-nji Bütindünýä Ykdysady forumda eden çykyşynda, 2 ýyl ozal bu ýerde beýik Amerikanyň gaýdyp geliş etabyny başladandyklaryny belledi.
Tramp: “Şu gün ABŞ-nyň dünýäniň ozal hiç görmedigi ýagdaýda ykdysady partlama bilen gurşalandygyny yglan etmekden buýsanýaryn” diýip nygtady.
Çykyşynda rekord derejedäki azalan işsizligiň, birža girdejileriniň, Hytaý bilen gazanylan Söwda ylalaşygynyň, ABŞ-nyň Senaty tarapyndan tassyklanan ABŞ-Meksika-Kanada ylalaşygynyň üstünde durup geçen Tramp, ýurdundaky ykdysady görkezijileriň ajaýypdygyny aýan etdi.
Tramp: “Amerika ösýär, Amerika baýaýar, Amerika ozal hiç haçan bolmaýşy ýaly girdeji alýar” diýip mälim etdi.
Donald Tramp çykyşynda, ABŞ-nyň Bütindünýä Ykdysady forumynyň dünýäde 1 trillion agajyň ekilmek bilen bagly programmany durmuşa geçirjekdigini habar berdi.
