Russiýa, Idlibde asuda ilata garşy 24 gün soň ýaňadandan howa hüjümini gurady
Asada tabynlykdaky güýçler we Russiýa tarapyndan guralan hüjümlerde asuda ilatdan 1300-den gowrak adam ýogaldy
Siriýada Asata tabynlykdaky güýçlere goldaw berýän Russiýa, Idlibde asuda ilata garşy 24 gün soň ýaňadandan howa hüjümini gurady
Harby oppozisionerleriň berýän maglumatyna görä, Russiýa degişli harby uçarlar 24 gün soň Idlibiň günortasynda ýerleşýän Ballise obasyna ertiriň irki sagatlarynda 5 howa hüjümini gurady
Rus harby uçarlary soňky gezek 11-nji sentýabrda Idlibiň demirgazyk günbatarynda ýerleşýän Derkuş etrabynyň Dahyr we Kefer Mares obalaryny bombalapdy
Asada tabynlykdaky güýçler hem Idlibiň günortasyna hüjüm guraýar
Hazarin, Rikaýa, Şyh Mustafa, Nukeýir obalary ertiriň irki sagatlarynda Asada tabynlykdaky güýçler tarapyndan nyşana alyndy
Türkiýe bilen Russiýanyň arasynda 2018-nji ýylyň sentýabr aýynyň 17-de baglaşylan ylalaşyga garamazdan, Idlibde çaknyşyksyz zolakda Asada tabynlykdaky güýçler we Russiýa tarapyndan guralan hüjümlerde asuda ilatdan 1300-den gowrak adam ýogaldy
Hüjümler sebäpli Türkiýe serhediniň golaýyna göçenleriň sany bolsa 1 million 42 müň adama ýetdi.
Degişli Habarlar
Eýranda Bolan Partlamada Ýogalanlaryň Sany 49 Adama Ýetdi
Günorta Horasan welaýatynyň Tebes etrabynda kömür käninde 21-nji sentýabr gijesi partlama bolupdy.